Kocha Mbelgiji asema SAMATTA ana nafasi ya kufanya vizuri akiwa Ubelgiji.

Samatta akiwa katika vyumba vya kubailishia nguo vya timu yake mpya ya Grenk

Kocha bora wa michuano ya Kombe la Chalenji msimu uliopita, Adel Amrouche amesema mshambuliaji Mbwana Samatta ana nafasi ya kufanya vizuri akiwa Ubelgiji.

Samatta raia wa Tanzania, amejiunga na KRC Genk ya Ubelgiji akitokea TP Mazembe, siku chache baada ya kutangazwa mchezaji bora wa Afrika.

Amrouche raia wa Ubelgiji, aliyipa Kenya ubingwa wa Chalenji huku ikiwa na kikosi kinachoonekana hakina makali, amesema Samatta atafanya vizuri kama ataendelea kujiamini, lakini aongeze juhudi.

“Lazima aongeze juhudi, awe msikivu na asione tena kama yuko Afrika ambako alikuwa staa. Sasa ndiyo anaanza upya,” alisema Amrouche mwenye asili ya Algeria aliyewahi kuifundisha Motema Pembe ya Dr Congo.

Amrouche ambaye anasifika kwa kuwainua makocha vijana, alisisitiza Samatta ana kipaji na uwezo mkubwa. Lakini ushindani wa Ubelgiji unakuwa juu, lakini ataweza kupambana.

Tayari nahodha huyo wa timu ya soka ya Tanzania, Taifa Stars amecheza dakika 17 akiwa na kikosi cha Genk.

Salehe Jembe

Read More

Samatta atambulishwa rasmi Genk Ubelgiji

Mshambuliaji wa timu ya taifa ya Tanzania Mbwana Samatta ametambulishwa kama mchezaji mpya wa klabu ya Genk ya Ubelgiji.

Samatta amejiunga na klabu hiyo inayocheza Ligi Kuu ya Ubelgiji kutoka kwa TP Mazembe ya Jamhuri ya Kidemokrasia ya Congo.

Samatta, aliyetawazwa mchezaji bora wa mwaka Afrika 2015 kwa wachezaji wanaocheza ligi za ndani, ametia saini mkataba wa hadi mwisho wa msimu wa 2019/2020.

Mshambuliaji huyo mwenye umri wa miaka 23, ambaye pia hucheza kama winga, alishinda vikombe sita vikubwa akiwa na TP Mazembe, ikiwa ni pamoja na kushinda Ligi ya Klabu Bingwa Afrika mwaka 2015.

Ameichezea timu ya taifa mara 20 na kufunga magoli saba.

Akiandika kwenye akaunti yake ya Twitter, Samatta alisema: “Nimejiunga rasmi na <span >@KRCGenkofficial. Nasubiri kwa hamu kipindi hiki kipya maishani mwangu.”

Alimshukuru mmiliki wa TP Mazembe Bw Moise Katumbi na mashabiki kwa kumuunga mkono.

Habari na Picha : BBC Swahili

Video: Simu TV

Read More